الـشـبـاب الـدائــم
أهلا وسهلا المنتدى منور بزيارتكم الكريمه


جـمـعـيــة تـرفـيـهـيـة إجـتـمـاعـيـــة
 
الرئيسيةالبوابةالدليل الطبى للجمعيةبرنامج الرحلاتالتسجيلدخول
جمعية الشباب الدائم لرعاية المسنين
القاهرة - مدينة التوفيق - عمارة 60 شقه 2 مدينة نصر
تليفاكس - 24018237 - 24011794
Email : shababforever@yahoo.com

شاطر | 
 

 رباعيات جاهين .

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
manona

avatar

انثى
عدد الرسائل : 156
الموقع : shabab4ever
المزاج : لا احد يستحق دموعك .. وان استحقها فلن يدعك تذرفها
رقم العضوية : fine
تاريخ التسجيل : 29/03/2008

مُساهمةموضوع: رباعيات جاهين .   الجمعة 27 يونيو 2008 - 21:38

مع ان كل الخلق من أصل طين
وكلهم بينزلوا مغمضين
بعد الدقايق والشهور والسنين
تلاقى ناس أشرار وناس طيبين
عجبى !!!!!

عجبى عليك يا زمن يا أبو البدع
يا مبكى عينى دماً
ازاى اختار لروحى طريق؟
وأنا اللى داخل فى الحياة مرغماً
عجبى !!!!!

مرغم عليك يا صبح مغصوب يا ليل
لا دخلتها برجليا ولا كان لى ميل
شايلنى شيل دخلت أنا فى الحياة
وبكرة هاخرج منها شايلنى شيل
عجبى !!!!!

سنوات وفايته عليا فوج بعد فوج
واحدة خدتنى ابن والتانية زوج
والتالتة أب خدتنى والرابعة إيه
إيه يعمل اللى بيحدفه موج لموج؟
عجبى !!!!!

أنا شاب لكن عمرى ولا ألف عام
وحيد ولكن بين ضلوعى زحام
خايف ولكن خوفى منى أنا
أخرس ولكن قلبى مليان كلام
عجبى !!!!!

حبيت لكن حب من غير حنان
وصاحبت،لكن صحبة ملهاش أمان
رحت لحكيم وأكتر لقيت بلوتى
إن اللى جوة القلب موش ع اللسان
عجبى !!!!!

ياما صادفت أصحاب وماصحبتهمش
وكاسات خمور وشراب ومشربتهمش
أندم ع الفرص اللى أنا سبتهم
والا ع الفرص اللى مسبتهمش
عجبى !!!!!

غدر الزمان يا قلبى مالوش أمان
وهايجى يوم تحتاج لحبة إيمان
ارتجف وسألنى أأمن بإيه؟؟
أأمن بإيه محتار بقالى زمان
عجبى !!!!!

يا باب أيا مقفول .. امتى الدخول؟
صبرت ياما واللى يصبر ينول
دقيت سنين والرد يرجعلى : مين؟؟
لو كنت عارف مين ... أنا كنت أقول
عجبى !!!!!

سهير ليالى وياما لفيت وطفت
فى ليلة راجع فى الظلام قمت شفت
الخوف كأنه كلب سد الطريق
وكنت عاوز أقتله بس خفت
عجبى !!!!!

أنا قلبى كان شخشيخة أصبح جرس
جلجلت بيه صحيوا الخدم والحرس
أنا المهرج قمتوا ليه؟؟ خفتوا ليه؟؟
لا فى إيدى سيف ولا تحت منى فرس
عجبى !!!!!

دخل الربيع يضحك لقانى حزين
نده الربيع على اسمى لما قلت مين؟
حط الربيع أزهاره جنبى وراح
وإيش تعمل الأزهار للميتين؟
عجبى !!!!!
الرجوع الى أعلى الصفحة اذهب الى الأسفل
gamal2000

avatar

ذكر
عدد الرسائل : 22
الموقع : www.salonbakeer.com
العمل/الترفيه : consultant surgeon
المزاج : liberal
تاريخ التسجيل : 16/08/2008

مُساهمةموضوع: رد: رباعيات جاهين .   الأحد 24 أغسطس 2008 - 0:45


رباعيات صلاح جاهين


الفيلسوف قاعد يفكر سِيبوه
لا تعملوه سلطان ولا تصلبوه
ما تعرفوش إن الفلاسفة ياهوه
اللى يقولوه بيرجعوا يكدّبوه ؟

عجبى !!

السم لو كان فى الدوا .. منين يضر ؟
والموت .. ولو لعدونا .. منين يُسرّ ؟
حُط القلم فى الحبر واكتب كمان
.. والعبد للشهوات .. منين هو حُرّ
وعجبى !!

سرداب فى مستشفى الولادة طويل
صرخات عذاب ورا كل باب وعويل
.. وفى الطريق متزوقين البنات
متزوقين للحب والمواويل
وعجبى !!

الدنيا من غير الربيع ميّته
ورقة شجر ضعفانة ومفتته
- لأ يا جدع غلطان تأمّل وشوف
زهر الشتا طالع فى عز الشتا
عجبى !!

ياللى انت بيتك قش مفروش بريش
تقوى عليه الريح . يصبح مفيش
عجبى عليك حواليك مخالب كبار
وما لكش غير منقار وقادر تعيش

عجبى !!

كيف شفت قلبى والنبى يا طبيب
هَمَد ومات والا سامع له دبيب
قاللى لقيته مختنق بالدموع
ومالوش دوا غير لمسه من إيد
حبيب
عجبى!!




رباعيات صلاح جاهين كاملة



PDAمشاهدة نسخة كاملة : رباعيات صلاح جاهين كاملة (على حلقات )
الرجوع الى أعلى الصفحة اذهب الى الأسفل
http://www.salonbakeer.com
manona

avatar

انثى
عدد الرسائل : 156
الموقع : shabab4ever
المزاج : لا احد يستحق دموعك .. وان استحقها فلن يدعك تذرفها
رقم العضوية : fine
تاريخ التسجيل : 29/03/2008

مُساهمةموضوع: رد: رباعيات جاهين .   الأحد 24 أغسطس 2008 - 16:50

متشكرين على اضافه سياتك يا دكتور
الرجوع الى أعلى الصفحة اذهب الى الأسفل
 
رباعيات جاهين .
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الـشـبـاب الـدائــم :: اجتماعيات :: خــواطـــر مـن الـقــلــب-
انتقل الى: